Monday, June 25, 2007

!! الرقاصة جت

مجرد خطوة بسيطة أو لفتة يمينا أو يسارا ،كانت تهتز كل دهون جسمها الأبيض
الرقاصة اللى جت ف الفرح اللى تحت بيتنا ف امبابة..مكنش رقص.. فقط اهتزازات دهنية
ناس يتخانقوا عشان يرقصوا معاها،وناس يقعدوا تحت رجليها ولما تخلص الرقصة تغطى تلك الدهون
البيضاء بعباية سودا وتتكوم فى جنب المسرح بجوار الطبال .. يديها سيجارة
اختفت ابتسامتها العريضة بمجرد ماخلصت الرقصة؟
ياترى لية مارحتش تشتغل خدامه ف السعودية.. هو خدامة أحسن واللا رقاصة أحسن؟

26 comments:

ola salem said...

ehhhhhhh
no comment 2aslan
el rasma malhah ma2sawyah kedah?

qindeel said...

لأن الوضع مأساوى جدا , انتى مش متصورة الناسدى بيحصلها ايه فى حياتها أصلا بالتوازى مع الخرا اللى بعملوه ده, جوز بيبتزها و جوز أم كان بيفعل معاها الفحشاء , و أطفال هى متأكدة انهم رايحين فى ستين داهية , على فكرة الناس دى بتحتقر نفسها جدا ملعون أبو الخرا اللى احنا فيه
بس الرسمة حلوة يا مخلوف ..

Sara Swidan said...

أخيرا يا مخلوف رضيت عننا و نزلت بوست جديد...
الحمد لله أفرجوا عننا من 300!!

حرام عليك يا شيخ ما تحكمش على الست كدة...دي تلاقيا لسة واخدة الرقص كاريير مؤخرا...عشان لو واحدة بترقص على طول , مش هتتخن عمرها يعني...

ف الست اكتشفت مواهبها متأخر ... و دة يحتم عليك انك تحترم شجاعتها!!! :D

الموضوع كبير يا جماعة زي مانتوا شايفين!!:):)

qindeel said...

طب ما تحية كاريوكا طول عمرها بترقص و قبل ما تموت كانت تزن 400 كيلو متر مكعب , و فيفى عبده طول عمرها بترقص و شوفوها دلوقتى عاملة ازاى ( غالبا هاتحتاجوا عدسة بانورامية ) و سعاد حسنى و جون ترافولتا و غيره و غيره ..
يا جماعة يا ريت نتحرى الدقة التعلمية فى كومنتاتنا عشان ما أتغاباش عليكو .. و شوكرن

Anonymous said...

بالنسبة للمجتمع بتاعنا الرقص احسن طبعا
حمدالله ع السلامة وشكرا ع التعليق

iHaB said...

استاذ مخلوف يا جزار
انا شفت الرسمة على كمبيوتر قنديل وقلتلك انها اكتر من هايلة وده اقل وصف ومش مجاملة ..خدامة ولا رقاصة ..انت ايه رأيك ؟
:D

rana 3amra said...

اكيد رقاصة محترمة من البيت للكباريه ومن الكباريه للبيت
ع الاقل ف بلدها يا معلم

Anonymous said...

.. انتوا مكبرين الموضوع يا جيدعااان
: بخصوص إحساس الرقاصة
انا أعرف واحد مرات خاله رقاصة
هو مش خاله لزم بس يقرب لأمه يعني
المهم ,
أشرف صاحبي بدون ذكر أسماء لما سألته وقلت له "يا أشرف! إحساس مرات خالك ايه وهي رقاصة " فقال لي - بدون ذكر أسماء - " يا فلان! انا مبحبش اتكلم في الموضوع ده"
الأهم ,
حد هنا بيعرف يقلد فريد شوقي ؟

We2am said...

mm..law enta bts2lny..yob2a r2asa a7san tab3an :)
esh6a 3al rasma ..

Unknown said...

ههههههههههه

لا انا رأيي ان كل واحد له مجاله
وانا بحب التخصص الصراحة

يعنى الرقاصة رقاصة والخدامة خدامة
:D
تحياتى

Ola Salem said...

mkabareeeeen el mawdow3 leh??
el rasmah 7elwa ya ma5ma5
teslam begad
ana 3amalt new blog 2eb2ah shofoh

محمد مصطفى said...

بالتأكيد ما عرفتش تاخد فيزا السعودية

Chaplinov said...

سؤال تقليدى كنت عاوز اسالة ....هية الرقاصة دى مالهاش اهل يسألوا عنها ...

تامر said...

يا أستاذ مخلوف الموضوع أسهل من كده، المفروض المقارنة تبقى بين إنها تشتغل رقاصة في السعودية أو خدامة هنا، كده ممكن العائد المادي يبقى أحسن من كونها خدامة في السعودية مش هتعرف تلطش الصيغة وتجري، أو رقاصة في مصر أمثالنا يبهدلوها على البلوجات

أو لو صعبانة عليك فعلا، أستر عليها

كراكيب نـهـى مـحمود said...

يمكن الرقص اسهل من تنظيف البيت يمكن؟؟

makhlouf said...

Oreka
شكرا ياحاجه

makhlouf said...

قنديل
وطى صوتك شوية بس

makhlouf said...

سمكة المرجان
سارة سويدان
الشخبطة دى بتاعة البلوج هى الحاجة الوحيدة اللى باعملها بمزاج
عشان كده بتاخد راحتها
بس
ياحاجه

makhlouf said...

باهر احنا عندنا مجتمع؟

makhlouf said...

استاذ ايهاب يامخرج
رقاصة واللا خدامة؟؟ممممممممم
متهيألى انسانة احسن
ـــــــــــــــــــــــــ
رنا عمار
ف بلدها بالظبط
ده اللى عاوز اقوله
ــــــــــــــــــــــ
على قنديل
انتظر الرد فى بوسط بعنوان
(مؤخرة عقل)

qindeel said...

ههههههههههههههههههههههههه
حلوة أوى مؤخرة عقل دى !!

makhlouf said...

وئام
انا بادردش مع الناس او مع نفسى
مش باسأل عن طموحاتهم او ابعاد شخصيتهم
ــــــــــــــــــــــــــــــــ
انسانة
صح الرقاصة رقاصة
والخدامة خدامة
والمواطن مواطن
ــــــــــــــــــــــ
علا سالم
متشكر اوى
ـــــــــــــــــــــــــــــ
مادو
انت سعودى؟
ـــــــــــــــــــــــ
شابلنوف
اهل الرقاصة بطلوا يسألوا لما شبعوا
فهمت؟
ـــــــــــــــــــــــــــــــــــ
استاذ تامر عبد الحميد
أنا ممكن استر عليها ف البوسط الجاى
واللا انت قصدك اتجوزها؟؟؟؟
ـــــــــــــــــــــــــــــ

كراكيب نهى محمود
نهى
الرقاصة بتتعب زيها زى الفاعل بالظبط
عارفة الفاعل؟؟

محمد مصطفى said...

هههههههههههههههههههههههه
ايه عندك حد عايز فيزا ؟؟؟؟؟

makhlouf said...

هو انت سعودى واللا بتضرب فيز؟؟

سارة درويش said...

هى اكيد مش مبسوطة

بس اكيد مش دا الحل الوحيد انها تشتغل رقاصة ، فبجد احتراما لنفسها خصوصا وهى كتلة من الدهون ما كانتش ترقص
ربنا يهديها ويهدينا يارب

Anonymous said...

المهم
هى كانت رقاصه و بترقص؟؟؟؟؟