Sunday, December 24, 2006

شكلى أخدت برد

بتحبوا الشتا....؟
مرة واحد قاللى: ان مصطفى قمر صوته شتوى
بشرتى بتتعب م الشتا.... دى واحدة كنت باحبها..
بص ...مناخير حمرا...قالتهالى البنوته 7 سنين
أنا شخصيا باحس ان الشتا أهدى ... وأنظف
لكن فى سؤال غريب جه ف بالى
هو القـنـفـد بيبرد ؟!؟

17 comments:

طارق إمام said...

أنا اتولدت في عز الحر
ده كان في 12 _ 8 _ 1977
لكني كائن شتوي بامتياز
الشتا فنان و شجي لكن الصيف كائن قوي و مغرور مش عارف على ايه
.............................
لما تمشي مع بنت بتحبها في الشتا ممكن تقلع السويتر اللي عليك و تغظيها بيه .. ده حصل معايا كتير
لكن لو حرانة هتفكر في شيء واحد : انك تعريها
وكل الناس تشوف اللي مش مفروض حد يشوفه غيرك
الشتا
يعني الوحدة
و التدخين الكثيف
و كل الذكريات الممكنة
.................................
شكرا يا مخلوف

Dananeer said...

انا كائن باحي الدفا
بس باموت فى اول الشتا و المطره

حلوه
تفتكر بيبرد

Mony The Angel said...

ana ba3sha2 alsheta bgad..
seebak mn kol ally bie7sal feeh welmatar welkalam da..
bas fe haga btmaiez alsheta 3an alseef..
alsheta te2dar tet7akem fe gawo, ya3ny te2dar tedaffy nafsak inshalla to3od felbeet w telbes aldolaab kolo..
laken alseef la2, mate2darsh tet7akem feeh.. 7ar ya3ny 7ar we7'bat dema3'ak fel7eet..
de mn aktar alhagat ally btmaiez alsheta 3andee..
ra3'm eny mabas2a3sh aslan :)

nour said...

الشتااا
الللللله
هو فى احلى من الشتا و لا المشى تحت الشتا على النيل فى ابو الفدا..و الشوارع فاضية و انا و لسه طالعة من الامتحان الساعة 8 بالليل و شايله
art bag,art box
شيله يعنى يا معلم و مش قادرة احط ايدى فى جيبى منهم..نوصل لكورنيش النيل فى التحرير و ابص للعيال اصحابى و اقلهم ايه ده بصوا ايدى زرقا ازاااى هاهاهاه
و بعدين محطة مصر بتكون مغسولة فى الشتا..و اركب القطر اللى الراجل مشغل التكييف على الساونا تقريبا و اتفرج على المطر من الازاز المقفول..الله البرد بره و انا هنا فى الدفا لوحدى..اخر حاجة البيت بقى سهرة شتويه و خصوصا ان بكرة اجازة..صوت فيروز رجعت الشتوية..و مج الكابتشينو و بخار المياه على ازاز اودتى و ارسم بصابعى قلب و حرف اسمى و الحرف التانى علامة استفهام..على فكرة الشتا بيعلى اوى الرومانسيه عند البنات..

we2am said...

شتاااا؟!!ياه..مأساة اغريقية اصلا..جميع الاحاسيس اللي ممكن تتخيلها في مكان واحد "السرير"ووقت واحد"بعد واحدة باليل"ومع حاجات بتحبها انت عارفها..و خلصت لدنيا في اللحظة دي..
ايه علاقة ده بالبوست؟ان القنفد مهما كان بردان مابيبقاش شكله حلو زي مانت راسم الشوك بتاعه كده..والف سلامة عالعنوان :D :D
ايه يا استاذ طارق؟اللي عايز يعمل حاجة هيعملها من غير شتا ولا صيف :P:P

makhlouf said...

طارق امام الفنان المجميل
متشكر على تعليق
حد برضه يقول على سنة ميلاده؟
يظهر انك بتحب الشتا بجد
طب لو انت عايش فى القطب الشمالى وول الوقت شتا... هاتحبة برضه؟

makhlouf said...

Dananeer
متشكر على تعليقك
أول الشتا عامل زى البرتقان الاخضر
طعمة لاذع بس بنحبه......لكن
غير ان القنفد بيبرد واللا لأ
انا باحس رغم الشوك اللى فيه انه طيب
............................................................................................
Mony The Angel

متشكر لتعليقك
مش معنى ءاتى كاتب عن الشتا يبقى باكرة الصيف بالعكس انا باحب الصيف اكتر
باحس انه سخن وفيه حريه ونشاط
عموما ... استمتعى بالشتا على قد ماتقدرى
...............................................................................................
nour
رجعت الشتويه
متهيألى الضباب اللى بيبات فوق الازاز بيساعد الناس على الشخبطه عليه كتابة الاسامى ورسم القلوب ووش الاسمايل ... متشكر لتعليقك
..................................................................................................

وئام

متشكر لتعليقك
القنفد مش شكلة وحش ولا حاجه بصى كويس
...........................................................................................

عم محمد said...

الحفيفة انا مفرتش لطارف امام
لكنكم خلتونى فضلولى انى افرى فصته
.........رسومك للفطط جميله جدا يا مخلوف
وفعلا واضح انك بتحبهم... ومين مش بيحبهم

Epitaph said...

القنفذ ده شكله عسول اصلا
بس يا عيني
لو برد
مين بقي ح يدفيه؟
محدش ح يرضي يمسكه و يحضنه عشان يدفي

:((poor Hedgehog

P.S. I fear cats lol
كل شتوية و انت طيب يا مخلوف :)

LANKASH said...

افتكرت اوي فيروز مع كلامكم
ليها اغاني كتيرة اوي بتتكلم فيها عن ايام الشتا و الصيف
اجت ايام الشتوية
و
حبيتك بالصيف حبيتك بالشتى
و طبعا
حبينا بعض ف اول الشتى و تركنا بعض في اخر الشتى
انا بحس ان الشتا شهر الحب و يسلام لمل تدفي صحبتك بالجاكت بتاعك
حتى لو لابس الجاكت على اللحم و اديتهولها مش فارقة معاك
و الصيف بحس انة شهر التهييييسسس و الصياعة و المسخرة و قلة الادب
بيكيني بقة و معاكسات و حفلات فالمصايف
لكن انا بحب الشتة عن الصيف بس مش ممكن استغنى عن الصيف و البيكيني
تعليق
طارق اماااااااااااااااااااااااااااااااااممممممممممممممممممممممممممممممممممممممممممممم
انت كاتب هااااااااااااااايلللللللللللللل
انا معجب بيك جداااااااااااااااااااااا

تسـنيم said...

بص يا سيدي بالنسبة للقنافد بتبرد والا لأ؟؟ فهيا بتبرد وفي نظرية في العلاقات الإنسانية اسمها نظرية القنافد إزاي دي اقولك.. كان القنافد سقعانين ( بما إني بورسعيدية فبنقول سقعان) في البرد وبعدين حبوا يقربوا من بعض علشان يتدفوا فحصل إنهم شوكوا بعض فبعدوا تاني فسقعوا ومعرفوش يعملوا إييه ففكروا إنهم يقربوا بمسافة معينة بحيث إن شوكهم ميلمسش بعض وإن الدفا اللي خارج من أجسامهم كفيل إنه يدفيهم إلى حد ما، فكانت الحكمة اللي بتقول " كن قريبا عن بُعد.. وبعيدا عن قرب" والمسماة نظرية القنافد وموجودة في كتب علم النفس والعلاقات الإنسانية وأي حد قاري في العلاقات الإنسانية لو قلتله إن قربك من صاحب أو حبيب مثلا بيخنقك بسبب النقار والمشاكل هيقولك على طوول إلجأ لنظرية القنافد..
إذن فالقنافد بتسقع في الشتا وهذا هو المراد إثباته..
سلاااااااااااااااام.

makhlouf said...

عم محمد
متشكر لتعليقك
لازم تقرأ رواية طارق امام
شريعة القطة
روايه جميله
......................................................................
Epitaph
شكرا لتعليقك
محدش هايحضن القنفد
لانه بيشوك...؟
كل شتويه وانتى طيبه
.........................................................................
h i c h a m
هشام رحمة الفنان الجميل
متشكر لتعليقك
مع احترامى لكلامك
أنا باحب الصيف

طارق كاتب هايل طبعا
..........................................................................................

تسنيم
متشكرين لتعليقك
وشكرا للمعلومةالقيمة بتاعتك
انا عارف طبعا انها بتبرد
ده سؤال فيه دعابه شويه
.......................................................................

تسـنيم said...

طب ما أنا عارفة إنك عارف انها بتبرد لكن كنت تعرف بتعمل إييه علشان تتدفا؟؟
;)

makhlouf said...

تسنيم
القنافد لما بتبرد اوى
بتلبس بلوفرات من
شارع الشواربى

esraa said...

انا بحب الشتا أكتر من الصيف , معرفش ليه, بس الشتا كده بيكون ليه مذاق خاص
واها اكيد القنافد بتبرد

makhlouf said...

esraa
اسراء
متشكر لتعليقك
بيقولوا الشتا رومانسى اكتر
القنافد بتبرد

Mony said...

آه صحيح...هو القنفد بيبرد؟؟؟
هههههههههههههههه
تخيل معايا
قنفد عنده رشح و قاعد ساند ظهره للحيطه و مناخيره حمراااا و حواليه مناديل كتيييييييير
أكيد حد قر عليه؟؟؟ يا ترى ميييييييين؟