Tuesday, November 14, 2006

العربيه فاضيه قدام يا حضرات





الأتوبيس بقى كائن يعيش بينا نستعمله ويستعملنا
لا أعرف لماذا من وأنا عيل .. أجمع تذاكر الأتوبيس تستهوينى أشكالها وألوانها

فئه الربع جنيه .. والخمسين قرش
حمرا
زرقاء
صفرا
وأحيانا الوان غريبه من سوء الطباعه
ارسمها واعمل بيها كولاج

طبعا كلنا ركبنا الأتوبيس ومازلنا ... عشرة عمر يعنى وفوقنا مهارات السيرك الروسى
الركوب والنزول .. وهو الأتوبيس ماشى
ومط اجسادنا للتعديه وسط كتل البشر المحشورة فى 99 بشرطة أو7ج
أقوللكم
اذكر فيما لا يزيد عن خمسة أسطر موقف حدث لك مع الأتوبيس
ومحدش يقوللى مفيش.
مخ مخ

29 comments:

Lasto-adri *Blue* said...

اه، افتكر من كل المرات، كل المرات اللى ماعرفتش انزل فى المحطة و نزلت فى اللى بعدها و يمكن اللى بعد بعدها... وممكن أنزل واستوقف اوتوبيس تانى عشان انزل المحطة
طبعا توضيح القصة انى كنت واقفة محشورة و بعانى داخ الاوتوبيس الاول
والكل يقول ما الطريق واضى يا آنسة... لحد ما كرهت كلمة آنسة و اى شئ بيمشى على اكتر من اربع عجل

أشرف حمدي said...

طول عمري بركب اوتوبيسات انما مش فاكر منها حاجة خالص , يا راجل هو اللي يدخل أوتوبيس ممكن يفتكر حاجة بعد ما يطلع ؟ مش كفاية انه طلع اساسا !
بس بجد استخدامك للأكولاج أكتر من رائع كالعادة . ألف ألف مبروك علي المدونة الجميلة . الي الأمام يا باشا .

we2am said...

mas7'ra el3nwan dah aslan! :D
el3arbyya 3omraha matob2a fadya mn 2odam..bs by2olo kida..3shan elsawa2 yla2e mobrr eno yozno2 elbashar..maho 23ed fe korse lwa7do b2a :D
gamda awe bta3t el2tl el3am..ma2sah e3'reqyya ;)
elmowqef b2a..marra kont fe west elbalad..merwa7a..sodfa gamda geh otobos fady..na6et feh 2bl el ma76a matege..w esh6a..mabsoota..w kaman brob3 gneh!!! dah far7 el3omda!!..awel mad7'l 3al ma76a..la2et el komsare ebn elkalb medldl mn elshobak..w b3lw soto:"YALLA BSOR3A..FADY..MN ABO ROB3 GNEH YA BASHAR!" fe la7za..el otobos mafhosh makan temd edk fe gebk..mmkn geeb elle ganbk 22rab! :S
w nezlt ya mbark b3d ma2t3t elticket..w 7'adt.ha mashy kal3ada :)

باسم شرف said...

حلوة يامخلوف عجبتني

حلة تذكرة العلم هههههههههههه
فل يا معلم

abdallah ahmed , عبدالله احمد said...

الله يا مخلوف
الاتوبيس ده بيثبت انك من اهم الفنانين
علي الساحة


تعظيم سلام

Anonymous said...

أكثر ما يضايقنى فى الأتوبيس ليس المعاناة التى أتعرض لها , و لكن حالة اللامبالاة و الرضى العجيب من الناس و كأن ما يحدث شيئا عاديا للفاية

مقولة مترجمة لحكيم هندى

طارق إمام said...

مرة وانا في الأتوبيس دخل راجل و مراته وابنه , كان الكرسي اللي جنبي فاضي فقعد عليه الولد بسرعة , أبوه قاله قوم ياد علشان اقعد فرد عليه الولد : يا عم انا تعبان , أبوه قاله : طب قعد امك بدل اللي رايح و اللي جاي ما " يضقر " فيها.. الواد قاله : يعني هيه هتخلف منه ؟!
قام الراجل لاطش مراته بالقلم قدام كل الناس و قاللها : آدي ربايتك

Epitaph said...

loool

nice idea.,,and great work ya basha!

هممم الاتوبيس و انا
دي تشيل حاجتي
و ده ينادي و يقول لي فيه كرسي قدام فاضي
و دي تصوف لي المكان اللي انا مش عارفة اوصله
و وانا نازلة الاقيهم كلهم بيقولولي خدي بالك من نفسك
مع السلامة

:))

حصلت معايا فعلا
اكتر من مرة

مصطفيتش ابن حفصوتشا said...

انا من كتر اعتيادى على الاتوبيس مابقتش استغرب من اللى بيحصل فيه
انا الشىء الوحيد اللى بيعجبنى فيه ان كل ماركبه واشوف بائع متجول افتكر عم فؤاد قاعود وقصيدته
"بائع متجول "
المهم
بوست روعة

nour said...

لأ اللى بيحصل كتيييير
طبعا الناس اللى دمها خفيف بيركبوا الاتوبيس كتيير اوى اليومين دول
مرة كنت انا و صاحبتى واقفين طبعا و جيه اخ ظريف بيستظرف..فصاحبتى لجأت للحيلة المعروفة..طلعت دبوس من الايشارب و غزته بيه..الواد كتم الصرخة بصعوبة و قام نازل فورا بالدبوس فى ايديه..

مصـ( الخير )ـعب said...

فيما لا يزيد عن خمس كلمات مش أسطر :
"البنطلون بتاعي اتقطع في الكرسي"!

:)

makhlouf said...

Lasto-adri *Blue
ازمة ان الواحد مايعرفش ينزل ف المحطه اللى فسه فيها
لازم التدريب ع الحاجات دى
....................................................................
أشرف حمدى
متشكر على تعليقك
...............................................................
Epitaph

خدى بالك من نفسك.....

........................................................


we2am
وئام متشكر ع التعليق
بس انتى زودتى عن خمس تسطر
كده هاتدفعى الفرق
...................................................................

باسم شرف
الف شكر على تعليقك
...............................................................

الفنان عبدالله أحمد
انت اللى فنان جامد ياعم
الف شكر على تعليقك
..........................................................................

حكيم هندى من بولاق ده؟
.................................................................
طارق امام
حدوته ظريفه.... بس دى بجد؟

متشكر على تعليقك
..............................................................

مصطفى اسماعيل
متشكى اوى على تعليقك
................................................................

nour

ياريت صحبتك تفدر تشك بالدبوس بتاعها كل الحاجات الملغبطه بتاعتنا
..................................................................

مصـ( الخير )ـعب
ومشيت فى الشارع ازاى؟
....................................................................



مخ مخ

المزاجنجي said...

يااااااااااااااااه يا ابو خلف واضح انكم من الجيل المأهور اللي ما لحقش التروللي باس والله افتكر اننا كنا بنركب تزويغ في باب الشعرية ولما نتقفش كنا بننزل ملسوعين على قافانا ونشد السنجة والتروللي يعطل والكمسري ينزل يشتم اهلينا ويركبها وكنا اكثر كرما منه فكنا بنشتمه وممكن نحدفه بكام طوبة كده عالماشي هههههه وللعلم انا كنت باركب بتذكرة بتعريفة وبساغ وبعدين قرش وقرشين وبعدين بقت بشلن دلوقتي هاتفرس من الاتوبيس ابو جنية وبريزة ليه بريزة مش عارف عاوزين يرجعوا ازمة الفكة بتاعة زمان لما كان الكمسري بيشيل معاه بنبوني او توفي او امشاط كبريت


معلش طولت عليك اسيبك بقى والحق لي كرسي اصل العربية فاضية من قدام يا افندية

عم محمد said...

الرسمه الأولى عبقريه.. هيئه القتل العام فعلا... لكن رسمه الأتوبيس توقعت فيها تلاحم اكتر من كده .. توقعت ان الناس الى بره متعلقين اكتر من الى جوه.. توقعت لخبطه فى الملامح .. توقعت مشهد بنشوفوه كل يوم.... ده راى المتواضع البعيد عن التخصص

هيثم ابوعقرب said...

احلي حاجه في الاتوبيسات انك بتلاقيها فاضيه من بعيد لكن بمجرد م تقرب ترجع في كلام فوري
وع العموم اظرف حاجه حصلتلي في اتوبيس هيا دي http://akroob.blogspot.com/2006_11_01_archive.html

karakib said...

اقرا التدوينه دي عندي
الأحد, نوفمبر 12, 2006
خيبه الامل راكبه جمل
-------------------------
أو اشتري الدستور بتاع الاسبوع ده اللي نزل النهار ده هتلاقيهم نشروها :) و ده موقف يتكرر يوميا معي في الاتوبيس بأشكال اصعب مما وصفت بكثير
هاني جورج حليم
انتوك

makhlouf said...

المزاجنجى
متشكر على تعليقك

شد السنجه وانت طالع

....................................................................

عم محمد
رأيك مهم طبعا
وكويس ان فى رسمه عجبتك
...................................................................
أبو عقرب
مش نفسك والنبلا تبطل ركوب اتوبيسات
....................................................................
كراكيب
هايحصل
.................................

مخ مخ

الطارق said...

بصراحة الاتوبيس مجتمع مستقل بذاته ويعكس روح المجتمع
للذي يود الاطلاع على مواقف طريفة حدتث لي في الاتوبيس أحيله الى مدونتي
http://attaarik.maktoobblog.com/

Sara Swidan said...

مرة من كتر الزحمة قدام الراجل السواق كان بيشاورلي على زرار كدة عشان افتح الباب...
و مرة تانية كان زرار متخلف كدة..اتضح بعد كدة انه كان الكلاكس!!

حاجة ما يعلم بيها الا ربنا!

بس فكرة ابداعية بجد التذكرة اللي مكان العلم دي...شوف كام واحد بيشوف التذكرة و بيرميها اول ما ياخدها...و انا واحدة منهم!

ALiaa said...

انت مخلوف بتاع الدستووووور؟؟؟!!!!!!!!
رد بسرعة أرجووووووك

makhlouf said...

الطارق
انا شوفت البلؤ بتاعك
ظريف اوى

makhlouf said...

سارة متشكر على تعليقك الجميل

makhlouf said...

ALiaa
ايوة
انا بتاع الدستور
حد سرق منك حاجه
؟

إنـســانة said...

بصراحة المواصلات بشكل عام تعتبر كابوس
بس انا حصلى موقف فى ميكروباص عادى لا يمكن أنساه
لان قعدت جبمى واحدة مجنونة وعملت أشياء فظيييييييعة جدا من سباب وحاجات تانية افظع مقدرش أقولها ... الحاجة اللى هونت عليا شوية ان ماما كانت جمبى ومسكت فيها .. بجد ساعتها كانت هتجيلى ساكتة قلبية وجسمى كله بقا بيتنفض ... حسبنا الله ونعم الوكيل



المهم
ما شاء الله الرسومات فوق الرائعة
ربنا يحميك

سلام عليكم

makhlouf said...

Human said...

متشكر اوى لتعليقك
البلوج بتاعك جميل اوى

سؤال؟
هى الست دى كانت فى
اتوبيس فى التحرير؟
سلام

إنـســانة said...

ههههههههه لا كانت فى ميكروباص من فيصل-ميدان الجيزة بعيد عنك وعن الراكبين

Anonymous said...

السلام عليكم
من مخلوف 2 الى مخلوف 1
البيان الاول : مبروك على المدونه الجامده واتمنى تكون جاكه فى موضوعاتها .
البيان الثانى : موضوع الاتوبيس ده فية كلام كتير يكفى انك تحمد ربنا انك نزلت وبالنسبه للبنات يحمدوا ربهم انهم نزلوا بش ...... ؟؟؟؟؟؟؟

البيان الثالث : نتمنى التواصل

((((( حوٌل)))))))))))))
loufخma

makhlouf said...

انسانه
متشكر لتعليقك
مش متخيل انى فى حد عاقل اصلا ف الاتوبيس
بما فيهم أنا
يارب تكون الرسومات عجبتك بجد

......................................................................
مخلوف التانى
اهلا بيك ومتشكر لتعليقك
اسألوا طارق امام هواللى شافها وكتب عنها

......................................................................

علوة said...

مساء الخير
الشغل حلو يا مخلوف
شد حيلك
للأمام يا بطل
هيا بنا نلعب
جومي بينا نمشي
يا تماثيل اسوسيو مصر
امممممممم